Khmer Foods

  របៀបធ្វើម្ជូរគ្រឿងឆ្អឹងជំនីជ្រូក ១.គ្រឿងផ្សំ -ឆ្អឹងជំនីជ្រូក កាប់ដុំៗ -គ្រឿង (គល់ស្លឹកគ្រៃ រំដេង រមៀត ស្លឹកក្រូចសើច ខ្ទឹមស ) បុកចូលគ្នាអោយម៉ត់ល្អ -ស្លឹកធ្នឹង , ស្លឹកតាមូង , ស្លឹកម្កាក់ ប្រើ១ណាក៏បាន ហាន់ហើយបុក - ប្រហុក ចិញ្រ្ចាំ , អង្រ្កង , ម្ទេស , ស្លឹកកន្ទ្រោប -ត្រកួនបេះយកខ្ចីៗ កាត់កង់ៗ ២.វិធីធ្វើ         ដាក់ខ្ទះអោយក្ដៅលើភ្លើង ដាក់ប្រេងឆាចូកតិច ឆាប្រហុកអោយឈ្ងុយ ហើយចាំចាក់គ្រឿងបុកចូល ឆាអោយឈ្ងុយគ្រឿងតិច ចាំចាក់សាច់ចូល ដាក់គ្រឿងសាតេ អំបិល ស្ករស ទឹកត្រី ម្សៅស៊ុប ប្រេងខ្យង ដាក់ក៏បាន មិនដាក់ក៏បាន បើដាក់ធ្វើអោយទន់សាច់ ទន់បន្លៃ ឆាអោយសព្វ គ្រប់ទុកអោយចូលជាតិទៅឆ្អឹងសាច់ ពេលពុះតិច ចាក់ទឹកកន្លះឆ្នាំងចូល រំងាស់អោយផុយល្មម        បន្ទាប់មកដាក់ម្ជូរស្លឹកធ្នឹងចូល ហើយ ដាក់អង្រ្កង ដាក់តិចម្ដងៗ ព្រោះ ម្ជូរស្លឹកធ្នឹង ជូរតិចហើយ ចឹងយើងថែមអង្រ្កងល្មមបានហើយ ចាំថែមត្រកួនតាមក្រោយ           យកស្លឹកកន្ទ្រោបឆ្អើរភ្លើងអោយឈ្ងុយ យកមកបង់ក្នុងសម្ល ចុងក្រោយភ្លក់មើលម្ដងទៀត សាប ប្រៃ ជូរល្មមឬនៅ ថែមតាមចំនូលចិត្ត បង់ម្ទេសផង កាត់ឆ្អាប ។  ...

  របៀបធ្វើគុយទាវបង្គារកោះកុង ១.គ្រឿងផ្សំ - គុយទាវ - បង្គាស្រស់ - ម្ទេស - ខ្ទឹមស - ក្រូចឆ្មារ - ជីវ៉ាន់ស៊ុយ - ខ្ទឹមក្រហម - ទឹកត្រី - ស្ករត្នោត - ប៊ីចេង - សណ្ដែកដី - បន្លែផ្ទាប់ស្រស់ៗ តាមចំណូលចិត្ត ២.វិធីធ្វើ ១- ស្រុះបង្គារទុកមួយអន្លើ ក្រោយមកស្រុះគុយទាវទុកមួយអន្លើ ២- ម្ទេស ខ្ទឹមស និងគល់ជីវ៉ាន់ស៊ុយ បុកបញ្ចូលគ្នាឲ្យម៉ដ្ឋល្មមរួចផ្សំរួមមាន ស្ករត្នោត ប៊ីចេង ទឹកត្រី ក្រូចឆ្មារ        ភ្លក់តាមចំណូលចិត្តចុងក្រោយដាក់សណ្ដែកដីបុក។ ៣- ហាន់ខ្ទឹមក្រហមស្អាងស្ដាយរួចយកទៅបំពងទុកមួយអន្លើក្រោយមក លាងបន្លែឱ្យស្អាតទុកឲ្យស្រស់ទឹក ៤- រៀបបន្លែដាក់ចាន យកគុយទាវដែលស្រុះហើយរៀបដាក់លើបន្លែរួចរៀបបង្គាពីលើគុយទាវ រោយខ្ទឹមបំពង ញ៉ាំផ្ទាប់ជាមួយបន្លែជ្រលក់ទឹកត្រីកោះកុងឆ្ងាញ់ជាប់មាត់តែម្ដង។ (មានជីវិតត្រូវតែតស៊ូ ដើម្បីជោគជ័យថ្ងៃមុខ)

  របៀបធ្វើសាច់សាស៊ីវ ១.គ្រឿងផ្សំ - ស្រាសរ ១ ស្លាបព្រាបាយ - ប្រេងល្ង ១ ស្លាបព្រាកាហ្វេ - លក្សអាហារពណ៌ក្រហម ១ ស្លាបព្រាកាហ្វេ - ម្សៅស៊ុប ១ ស្លាបព្រាកាហ្វេ - ខ្ទឹមសជញ្រ្ចាំ ៥ កំពិល - ខ្ញីជញ្រ្ចាំ ២ ស្លាបព្រាកាហ្វេ - តៅហ៊ូកំប៉ុង ២ ស្លាបព្រាបាយ - ទឹកស៊ីអ៊ីវ ១ ស្លាបព្រាបាយ - ទឹក Hoisin ឬ ប្រេងខ្យង ១ ស្លាបព្រាបាយ - ទឹកឃ្មុំ ២ ស្លាបព្រាបាយ - ទឹកស៊ីអ៊ីវខ្មៅ ១ ស្លាបព្រាបាយ - សាច់ជ្រូក ៥០០ ក្រាមហាន់ជា ៤ដុំ ២.វិធីធ្វើ ១- លាយគ្រឿងផ្សំទាំងអស់ចូលគ្នា កូរអោយសព្វ រូចយក ៣/៤ នៃគ្រឿងផ្សំ មកប្រលាក់ជាមួយសាច់ជ្រូក ច្របល់អោយសព្វ ទុកប្រហែលជា ១០ នាទី។ ២- យកសាច់ទៅអាំងប្រហែលជា ១៥នាទី ទើបត្រលប់សាច់ម្តង ហើយ អាំង ប្រហែលជា ១៥នាទីទៀត ទើបយក។ ៣- គ្រឿងផ្សំ ដែលនៅ សល់មក លាបសាច់ ហើយអាំងប្រហែលជា ៥ នាទីទៀត ជាការស្រច៕ English Below........... Barbecued Pork 1.Ingredients - Shaoxing Rice wine 1 tablespoon - Sesame oil 1 teaspoon - Optional red food coloring 1 teaspoon - 5 Spice powder 1 teaspoon - 5 Grated garlic cloves - Grated ginger root 2 teaspoon - Reb Bean Curd 2 tablespoon - Light soy sauce 1 tablespoon - Hoisin s...

  វិធីធ្វើសម្លរកកូរខ្មែរ ១.គ្រឿងផ្សំ -ត្រីឆ្លាំងឬអន្តែង ១គីឡូ -សាច់ជ្រូក ៣ ខាំ -ស្លឹកម្រុម ១ ដុំ -អង្ករលីង កន្លះចានចង្កឹះ -ប្រហុក ១ ស្លាបព្រាបាយ -ទឹកត្រី ២ ស្លាបព្រាបាយ -ស្ករត្នោត ១ ស្លាបព្រាបាយ -ម្សៅស៊ុប ១ ស្លាបព្រាបាយ -ខ្លាញ់ ២ ស្លាបព្រាបាយ -គ្រឿងបុករួច(គល់ស្លឹកគ្រៃ រមៀត រំដេង សំបកក្រូចសើច ខ្ទឹមស)។ ២.វីធីធ្វើ ១. ត្រីកាត់ជាកង់ៗ សាច់ជ្រូកហាន់ជាបន្ទះ ហើយអង្ករលីងត្រូវបុកឲ្យម៉ដ្ឋ។ ២. ដាក់ខ្លាញ់ឲ្យក្តៅ ដាក់ប្រហុក និងគ្រឿង ឆាឲ្យឈ្ងុយ ទើបដាក់ត្រី និងសាច់ជ្រូក អង្ករលីងទឹកត្រី ស្ករត្នោត ម្សៅស៊ុប ឆាឲ្យអោយទន់បន្លែ សឹមដាក់ទឹកឲ្យល្មមទុកឲ្យពុះ ភ្លក់រសជាតិ ឲ្យល្មម ទើបដាក់ស្លឹកម្រុមជាការស្រេច ប្រភព៖មុខម្ហូបខ្មែរចំរុះ។ សូមរីករាយក្នុងគ្រួសារអ្នក!

ចំហុយត្រីទឹកស៊ីអ៉ីវ ១.គ្រឿងផ្សំ - ត្រី ១ ក្បាល ប្រហែលជា ៤០០ ក្រាម - គល់ខ្ទឹម ១០ គល់កាត់ប្រវែង ៣ ថ្នាំងដៃពីគល់ខ្ទឹមយកកូនកាំបិតពុះ ២-៣ កាំបិតសងខាងខ្ទឹមប៉ុន្តែកុំឲ្យដាច់ - ជីវ៉ាន់ស៊ុយ ហាន់តូចៗ - ខ្ញី ១ មើមតូចហាន់ជាចំណិតសរសៃតូចៗ - ទឹកស៊ីអ៉ីវ ៥ ស្លាបព្រាកាហ្វេ - ប្រេងល្ង ២ ស្លាបព្រាកាហ្វេ - ប៊ីចេង កន្លះស្លាបព្រាកាហ្វេ - អំបិល ១ ចុងស្លាបព្រាកាហ្វេ - ស្ករស កន្លះស្លាបព្រាកាហ្វេ ២.វិធីធ្វើ ១- មុនដំបូងអ្នកត្រូវលាយគ្រឿងផ្សំចូលទៅក្នុងកូនចានមួយដែលមាន គ្រឿងផ្សំដូចជាទឹកស៊ីអ៉ីវ, ប្រេងល្ង, ស្ករស, ប៊ីចេង និងអំបិលរួចហើយកូរវាឲ្យរលាយសប់ចូលគ្នារក្សាទុកដោយឡែកសិន។ ២- យកត្រីរៀបដាក់ក្នុងចានបន្ទាប់មករៀបខ្ញី គល់ខ្ទឹមរាយពីលើត្រី រួចហើយក៍យកគ្រឿងផ្សំដែលបានលាយទុកនោះមកដាក់ពីលើដែរ។ ៣- យកត្រីដែលបានលាយគ្រឿងផ្សំរួចរាល់ហើយដាក់ក្នុងឆ្នាំងដើម្បី ចំហុយប្រហែលជា១០-១៥ នាទីពេលដែលឆ្អិនហើយទើបអ្នកដាក់ជីវ៉ាន់ស៊ុយពីលើ ត្រីដែលបានចំហុយឆ្អិននោះជាការរួចរាល់៕

 របៀបធ្វើសាច់គោអាំងដោតចង្កាក់ គ្រឿងផ្សំ - សាច់គោ ១គីឡូ (យកសាច់ផ្នែកស្មាខាងមុខទៅដល់ឆ្អឹងជំនី ហើយត្រូវហាន់ជាបន្ទះវែងតូចល្មម) - អំបិល ១ស្លាបព្រាកាហ្វេ - ម្សៅស៊ុប ១ស្លាបព្រាកាហ្វេ - ស្ករស ១០០-១៥០ ក្រាម - ទឹកសណ្តែកសៀង ១ស្លាបព្រាបាយ - ខ្ទឹមស ៤កំពឹស ចិញ្ច្រាំ របៀបធ្វើ ១. មុនដំបូងអ្នកត្រូវយកសាច់គោដាក់ចូលក្នុងចានធំមួយដែលអ្នកស្មាន មើលអាចដាក់សាច់គោអស់ បន្ទាប់មកចាប់ផ្តើមលាយគ្រឿងមានដូចជា ខ្ទឹមស, អំបិល, ម្សៅស៊ុប ,ស្ករស និងទឹកសណ្តែកសៀង គ្រឿងបុកហើយ (ដាក់សម្រាប់អ្នកដែលចូលចិត្ត) បន្ទាប់មកច្របល់វាបញ្ចូលគ្នាឲ្យចូលគ្រឿងសព្វ។ ២. បន្ទប់ពីគ្រឿងចូលសប់ហើយត្រូវយកឈើត្រណោតមកដោតសាច់គោ ជាត្រណោតៗ ឬក៍គេអាចហៅបានថាជាចង្កាក់ៗ ដោតរហូតទាល់តែអស់សាច់គោ។ ៣. យកសាច់គោដែលបានដោតរួចរាល់ហើយ យកមកដាក់អាំងឲ្យឆ្អិន ពេលដែលដែលអ្នកញាំត្រូវយកជ្រក់មកញាំផ្ទាប់ជាមួយគ្នាហើយក៏គេ តែងតែយកវាទៅញាំជាមួយនំប៉័ងផងដែរ។ + វិធីធ្វើជ្រក់ល្ហុង៖ - ល្ហុង ១ចំហៀងផ្លៃ (ផ្លែតូចល្មម)ឈូស ឬចិតជាសសៃវែងៗ - ត្រសក់ ២-៣ផ្លៃ ចិតជាចំណិតវែង - អំបិល កន្លះស្លាបព្រាបាយ - ស្ករស ៦ស្លាបព្រាបាយ - ទឹកខ្មេះ ៣ស្លាបព្រាបាយ - ខ្ទឹមស ៤កំពឹស ចិតជាចំណិតតូចៗ - ខ្ទឹមក្រហម ២ដុំ ចិតជាចំណិ...